नाट्य | कला | चित्रपट महोत्सव | नृत्य

TSR च्या नाट्य विभागाद्वारे  शालेय विद्यार्थ्यांना तज्ञांच्या मार्गदर्शनाखाली अभिनयाचे उत्कृष्ट प्रशिक्षण दिले जाते. त्यांना भविष्यात नाट्य क्षेत्रात करियर करण्यासाठी परिपूर्ण मार्गदर्शन केले जाते. नाट्य विभागाने संपूर्ण रत्नागिरी जिल्ह्यातील शाळांमध्ये नाट्य कार्यशाळा घेण्याचे मोठे काम हाती घेतले. आतापर्यंत चिपळूण, खेड, दापोली, गुहागर आणि रत्नागिरी येथील शाळांमध्ये कार्यशाळा घेण्यात आल्या आहेत. नाट्य शाखेचे प्रमुख मंथन खांडके यांच्याकडून ४२ विद्यार्थी कलाकारांना वर्षभर अभिनय कौशल्य विकसित करण्यासाठी मोफत प्रशिक्षण देण्यात येणार आहे. 

‘कला आरंभ’ म्हणजे TSR चा कलाविभाग असून त्याद्वारे उदयोन्मुख कलाकारांना मार्गदर्शन, आवश्यक सुविधा आणि त्यांच्या कलेसाठी व्यासपीठ उपलब्ध करून दिले जाते. कला आरंभद्वारा सर्वेश दाभोळकर यांच्या मार्गदर्शनाखाली ६ कलाकारांमार्फत  विद्यार्थी, शिक्षक आणि पालकांसाठी कला कार्यशाळा व स्पर्धा घेण्यात येतात. 

TSR तर्फे रत्नागिरीत येथे ‘द टॉकिंग फ्रेम्स’ या आंतरराष्ट्रीय चित्रपट महोत्सव आणि आंतरराष्ट्रीय लघुपट स्पर्धेचे आयोजन करण्यात आले होते. 

जस्ट मूव्ह या नृत्य अकादमी मार्फत कोथरूड पुणे येथे प्रसिद्ध कोरिओग्राफर प्रफुल मोरे यांच्या मार्गदर्शनाखाली विविध नृत्य प्रकारांचे प्रशिक्षण देण्यात येते. अद्ययावत स्टुडिओ व तज्ञांचे मार्गदर्शन ही या अकादमीचे वैशिष्ट्ये आहेत.